Azaroaren 25ean Genero Indarkeriaren aurkako Nazioarteko Eguna ospatzen da, eta gai honen inguruan asko aurreratu dugula pentsa dezakegun arren, genero indarkeria gero eta gehiago eta modu kezkagarriagoan ematen ari da nerabeen arteko harremanetan.
Inork ez daki zehatz-mehatz gorakada honen zergatia zein den, baina hipotesi batzuen arabera, estereotipo matxistak bultzatzen dituen asialdi formulek duten arrakasta eta sustapena izan daiteke arrazoietako bat, estereotipo hauen iraupenean zerikusia izan ditzaketen mezuak zabaltzen dituzten telebistako programa eta serie, liburu, film edo musika-generoen bitartez.
Eragin handia duen beste faktoreetako bat Whatsapp bezalako aplikazioen eta beste sare sozial batzuen erabilera gero eta hedatuagoa izan daiteke. Hauek, etengabeko informazioa eskaintzen dute eta nerabe askok bikotekidea kontrolatzeko baliabide gisa erabiltzen dituzte. Neska gazte askok normaltzat jotzen dute bikotekideak beraien portaera gaitzestea, zer jantzi behar duten esatea, mugikorra zelatatzea edo bere lagunekin egoteko betarik ez ematea.
Teknologia hauek oso erabilera positiboa izan dezaketen arren, gazte askok ez dituzte modu egokian erabiltzen, bikotekideen artean jeloskortasun, kontrol, xantaia eta tratu txarren kasuak egotea erraztuz.

Egoera haue ekiditzeko eta, berdintasun eta errespetu jarrerak sustatzeko, nahitaezkoa da heziketa oso gaztetatik hastea. Nerabezarorarte itxarotea gai hauek lantzeko, beranduegi izan daiteke eta, ondorioz, aproposena gai hauek familian lantzea izango litzateke, txiki-txikitatik, eta baita eskolan ere, hezkuntzako etapa guztietan, lan komunitarioa ahaztu gabe.
Baina galdetzen zaienean, klasean ez dutela inoiz edo ia inoiz sexismoa prebenitzeko eta berdintasuna bultzatzeko ekimenik egiten adierazten dute ikasle gehienek, eta gai honi buruz hitz egiten zaienean, gehienetan eraso fisikoetan oinarritzen diren mezuak baino ez zaizkiela ematen gaineratzen dute.

Campaña "No te cortes" de la Comunidad de Madrid

Madrilgo Erkidegoko “No te cortes” kanpaina

Gazteak, ondorioz, ez dira informazio-kanpainekin identifikatzen, ez dutelako beraien burua isladatuta ikusten kanpainotan, eta hauetako asko zehazki gazteriari zuzenduta egon arren, gazte asko oraindik ez dira hauekin identifikatzen, ez dituztelako tratu txar psikologikoak, ez bestelako tratu txarrak -sexualak, ekonomikoak, sozialak eta egunerokoak- genero indarkeria bezala ulertzen, normaltzat hartzen dituzte, eta nolabaiteko larritasuna duten eraso fisikoak bakarrik lotzen dituzte genero indarkeriarekin.

Beraz, ezinbesteko garrantzia du gazteei genero indarkeriaren lehenengo zantzu txikienak hautematen erakustea; adibidez, jeloskortasuna maitasun keinu bezala ikusten jarraitzen badugu, ezin izango dugu benetan kontrolerako jarrera bat baino ez dela onartu.
Adibide zehatzak erabili behar ditugu berdintasunik gabeko harremanetan ematen diren jarrera eta portaerak zeintzuk diren azaltzeko, beraientzat errazagoa izan dadin genero indarkeria bere adierazpenik zabalenean bereizten dituzten ezaugarriak eta jarrerak hautematea.