Gaur goizean, Arduratun sartu garenean, Errege Magoek “oparitxo” bat utzi digutela ikusi dugu: nerabeen gurasoei zuzenduriko gida didaktiko batzuk; gida hauek drogetaz, jarraibide edukatiboez eta etxean nerabezaroari aurre egiteko modu egokienari buruz hitz egiten digute. Zuok ere, gu bezala, Arduraturen parte garrantzitsua zaretenez, opari hau zuona ere badela ulertzen dugu, eta horrengatik, zuokin partekatzen dugu hemen gaur.

Gabon ospakizunak gehien maite dugun pertsonekin bizitzeko eta disfrutatzeko unea dira. Sarritan, luzaroan ikusi ez ditugun senide eta lagunekin batzen gara. Maite ditugunekin egun lasaiak igarotzeko aukera izan beharko litzateke urteko sasoi hau, baina batzuetan, egun stresagarriak bilakatzen dira.
Hau ez gertatzeko, ospakizunak sinplifikatu eta lehentasunak argi eduki behar ditugu, diru eta denbora gehiegirik eman gabe prestakuntzetan.