Aste honetan ere, interesgarriak iruditu zaizkigun haurtzaroari eta nerabezaroari buruzko artikulu ezberdinak bildu ditugu zuontzat. Zuei ere interesgarriak iruditzea espero dugu.

Haurtzaroan behaketaren bidez ikasten da. Haurrek gurasoek egiten dutena ikusten dute, hauek nola portatzen diren, eta jarrera horiek ikasten dituzte.
Gai honen harira, “Guk hezten ez baditugu, beste batzuk egingo dute” kanpainaren bitartez, Balia Fundazioak, helduengandik entzun eta ikusten dutenaren aurrean, haurrek jasan dezaketen zaurgarritasunari buruz kontzientziatu nahi ditu familiak eta gizartea orokorrean.

Udazkena hasteko gai ezberdin eta interesgarriak…

Badaude sexu-jazarpenaren baitan jarrera eta portaera batzuk, gazteek ez dituztenak horrela identifikatzen, gabaz eta jai giroan ematen direlako; are gehiago, tartean drogen kontsumoa badago: neska ezezagun bat gerritik heltzea edo ukitzea, musu ematen tematzea, neskazko bat setiatu edo iraintzea,… .
Drogek ezkutuko sexismoa azaleratzen dute, substantzien kontsumoa bitarteko, sexualki erasotutako emakumeen kopuruaren igoerak eta Eraso sexualen erantzukizuna drogen kontsumoan kokatzeko joerak ondo adierazten duten moduan, bortizkeria eragiten duena substantzia bera izango bailitz, erasotzaileen erantzukizun guztia alde batean utziz.

Teorian eta formalki, alkoholaren eta beste drogen eraginpean gidatzearen arriskua ezagutzen den arren, ezagutza hau gero, gutxiago jartzen da praktikan, eta datuak oso kezkagarriak dira: 18 eta 30 urte bitarteko gidarien herenak onartzen du autoa gidatu duela alkohol nahiko edan ostean.

Notak, familia osoarentzako opor ekonomikoak, ohitura osasuntsuak, familia arteko harremanak eta nerabeen osasuna, aste honetako gaietako batzuk.

Denbora tarte oso txikian alkohol kopuru handia hartzeak %20an handitzen du adikzio bat garatzeko arriskua eta zifra hau handitu egin da azken urteotan gazteenen artean.
“Litroak egiteak” (boteiloia) polemika asko sortzen du, berehalako arazoak sortzeaz gain (koma etilikoak, portaera oldarkorrak,…) adikzioa bezalako epe luzeko ondorioak ere eragin ditzakeelako.

Nerabeak dituzten familiak, sarritan, kezka handiarekin bizi izaten dute seme-alaben bizitzako une hau.
Une oro eta denagatik kezkatuta ez egoteko, lagungarria izaten da nerabeek bizi dituzten arriskurik ohikoenak zeintzuk diren aurretiaz jakitea. Nerabe gehienek ez dituztela inoiz arazo hauek biziko jakin behar dugu, baina aurretiaz arazoak non agertu daitezkeen identifikatzen badugu, prestatuta egongo gara arazoak agertuko balira hauei aurre egiteko.

Aste honetarako ere, gai oso ezberdinak baina denak interesgarriak bildu ditugu.

Nerabeekin harremana, teknologia berriekiko eta zorizko jokoekiko adikzioak, heziketa-beharrizan bereziak, eskola-jazarpena, lehen hezkuntzako ikasleei zuzendutako prebentzio programa pilotua, zigarro elektronikoen inguruko araudi berria,… .