Teorian eta formalki, alkoholaren eta beste drogen eraginpean gidatzearen arriskua ezagutzen den arren, ezagutza hau gero, gutxiago jartzen da praktikan, eta datuak oso kezkagarriak dira: 18 eta 30 urte bitarteko gidarien herenak onartzen du autoa gidatu duela alkohol nahiko edan ostean.

Denbora tarte oso txikian alkohol kopuru handia hartzeak %20an handitzen du adikzio bat garatzeko arriskua eta zifra hau handitu egin da azken urteotan gazteenen artean.
“Litroak egiteak” (boteiloia) polemika asko sortzen du, berehalako arazoak sortzeaz gain (koma etilikoak, portaera oldarkorrak,…) adikzioa bezalako epe luzeko ondorioak ere eragin ditzakeelako.

Arduratuk ez du oporrik hartu, eta berri eta artikulu interesgarriak zabaltzen jarraitzen du.

Alde batetik, nerabe eta gazteen artean areagotzen ari diren jarrera matxistetan eta genero-indarkeria kasu ezberdinetan jarri dugu arreta aste honetan; bestetik, hezkuntzarekin, eskolarekin, ikasketekin eta hizkuntzekin lotutako gai ezberdinetan; eta egun hauetan jasaten ari garen eguraldi zakar hau ere ez dugu ahaztu nahi izan. Aste honetan bildu ditugun berriak zuen gustokoak izatea espero dugu!

Ondo pasatzea, jakin-mina eta sentsazio berriak sentitu nahi izatea dira gazteek drogak hartzeko dituzten arrazoi nagusiak. 30 urtetik beherako gazteen ia %60ak, drogak hartzeak ondo pasatzearekin zerikusia duela uste du.

12 eta 22 urte bitarteko gazte talde handi batekin lasaitasunez hitz egiteko aukera izan dugu, eta beraien kontsumoetaz, txokoetan edo lokaletan gertatzen denaz, beraien aisialdaz,… galdetu diegu; hitz batean esanda, beraiek drogen gaia nola bizi duten jakin nahi genuen, zerk kezkatzen dituen, eta beraien ustez kontsumo problematikoak, arriskuzko portaerak eta adikzioak prebenitzeko zer egin daitekeen ere galdetu nahi izan diegu.

Droga-Politiken Batzorde Orokorrak pasa den astean drogei buruzko txosten berria eta iraultzailea kaleratu du: “Como asumir el control: distintas vías hacia políticas de drogas eficaces”. txosten honek “drogen aurkako gerra” bezala ezagutzen denaren porrota gogor salatu du eta giza-eskubideak eta osasuna lehenesten duten estrategia berriak behar direla argudiatzen du.
Batzorde Orokorrak argi du bere proposamenak polemikoak direla eta errefusa sortuko dutela, baina, hala ere, Gobernuek kontsumitzaileen kriminalizazioa baztertu eta drogen merkatua arautu behar dutela ikusten dute.

Prebentzio komunitarioaren esparruan lanean aritzeak ez duela zentzu larregirik komunitatearen partaidetzarik gabe uste dugu Etorkintza Elkargoan eta horregatik, aurtongo jaietan Bilboko Konpartsekin elkarlanean aritzeko sortu zitzaigun aukera aprobetxatu genuen eta egun hauetan txosnetan eskuragarri egongo den material bat garatu dugu.

Drogen erabilera, gehiegizko erabilera eta dependentziaren artean ezberdintzen jakiteak, une zehatz batetan dependentzian bukatu daitekeen gehiegizko erabilera baten aurrean neurriak hartzen lagundu dezake.
Nola definitu ditzakegu beraz hiru kontzeptu hauek?